हळूच या हो हळूच या [कुसुमाग्रज]

हळूच या हो हळूच या !!
गोड सकाळी उन पडे, 
दवबिंदूचे पडती सडे
हिरव्या पानांतून वरती, 
येवोनी फुललो जगती
हृदये अमुची इवलीशी, 
परि गंधाच्या मधि राशी
हसुनी डोलून देतो उधळून, 
सुदंध या तो सेवाया
हळूच या पण हळूच या !! १!!
कधि पंनांच्या आड दडू, 
कधि आणू लटकेच रडू
कधि वाऱ्याच्या झोताने, 
दिलात बसतो गमतीने
तऱ्हेतऱ्हेचे रंग किती, 
अमुच्या या अंगावरती 
निर्मल सुंदर अमुचे अंतर, 
या आम्हांला भेटाया
हळूच या पण हळूच या !! २!! 


कवी: कुसुमाग्रज